Situacion: Vòstre fraire vos ditz qu’una amiga de la familha, la Magdalena, vòl venir far a las cartas (e vos sabètz qu’a ela li agrada pas tròp, far a las cartas). Vos, aquò vos estona e volètz verificar que vos parla plan de la Magdalena que cresètz, aquela qu’a una veitura roja. Demandatz-li s’es plan la Mgadalena, la de la veitura roja.

Interpretacion de l’enonciat: Interrogativa reïterativa amb dislocacion a l'esquèrra

Informador: E. B.

Descripcion: Lo ton comença a un nivèl naut sus l'article La e davala a un nivèl mejan-naut que se manten fins a la sillaba tonica -le-, puèi davala fins a un nivèl bas sus la pòstonica -na. Dins lo segond domeni, lo ton comença a un nivèl bas sus la sillaba pretonica a- puèi observam un accent tonal naut sus la tonica -que-, seguit d'un planastèl un pauc mens naut fins a un segond pic sus la sillaba tonica -tu-. Lo ton davala leugièrament sus la pòstonica -ra, puèi observam un movement descendent plan marcat sus la sillaba tonica ro-. Sus la pòstonica -ja, lo ton contunha de davalar leugièrament.

Enonciat: La Magdalena, aquela de la "voatura" roja?