Situacion: Digatz los jorns de la setmana.

Interpretacion de l’enonciat: Enumeracion nèutra de tipe ascendent

Informador: E. B.

Descripcion: Sul primièr element de l'enumeracion, lo ton comença a un nivèl bas sus l'article Lo, puèja sus la sillaba pretonica di- e davala pendent la tonica -luns fins a un nivèl bas. Sul segond jorn de l'enumeracion, dimars, lo ton es bas sus la pretonica e puèja pendent la tonica. Los autres jorns recebon un autre contorn intonatiu: lo ton puèja fins a un nivèl naut sus la sillaba pretonica e davala a un nivèl mejan naut pendent la tonica. Aquel nivèl mejan naut se manten sus la pòstonica de dimècres e de divendres. Tant sus dissandes coma sus dimenja, observam lo contorn de fin d'enumeracion: lo ton es naut sus la conjoncion de coordinacion e, demòra naut sus la pretonica, puèi pendent la tonica davala a un nivèl bas que se manten sus la pòstonica.

Enonciat: Lo diluns, dimars, dimècres, dijòus, divendres, e dissandes, e dimenja.