Selhans

Selhans

Entrevistaire: Rafèu Sichel Bazin

Participant 1:
—Nom: Francis Brun
—Profession: Fabre retirat
—Luòc de naissença: Selhans / Seillans (Var - 83)
—Edat: 85

Tèma: Cossí partiguèt de Selhans quand èra jove per anar trabalhar a Ròcabruna

Durada: 3:10 min

PARTICIPANT 1: Bòn alòrs te vau racontar coma siáu arrivat de... de Selhans, e siáu vengut a Ròcabruna. Ben, fau dire qu'a Selhans, è... i aviá pas fòrça trabalh, d'abòrd, èra un endrech qu'èra un pauc perdut. Ara, ara, ma foi! es devengut una cava d'abitacions segondàrias, mai a l'epòca, hè! Alòrs donc e... ai calculat de venir trabalhar a Ròcabruna. È, [...] ai dich: "Bòn, ben fau... fau anar veire de faire leis enduvis [0:30] a Ròcabruna. Alòrs un dimenge matin ai partit e siáu vengut au Muèi perque sabiáu que au Muèi l'i aviá un nommat Gaston Paulet, Gaston Paulet, diguem, qu'èra un... un minotier, aviá un molin de farina au Muèi, mai aviá de proprietats a Ròcabruna, aquí en bas, dins la... dins la plana, a un endrech que s'apelava la Bassa Bastida, s'apèla totjorn Bassa Bastida. Ben fauguèt que venguèssi au Muèi per lo... per veire lo patron, bien entendut. [1:00] Alòrs quora siáu... sabiáu pas onte restava, è! Alòrs quora siáu agut dins lo Muèi, me siáu arrestat, en biciucleta, aquí, sus lo trottoir, lo pè sus lo trottoir. È, ai un pauc regardat, puèi ai vist arrivar un òme, emé de jornaus sota lo braç, una cana blanca, ai ben comprés que... èra un pauc bòrni, mas ai dich quand-mèma s'a de jornaus, deu sapcher... Alòrs, [1:30] quora es arrivat pròchi ieu, li ai dich: "Ah... Ah! Pardon monsieur". Alòrs de "suita", eu, a lèu sortit un jornau per... creguèt qu'anavi achaptar un jornau, li ai pres lo jornau, li ai donat lei cinc sòus, sai pas quant co... m'òc enfin, deviá costar cinc sòus a l'epòca, è! Aquí, èra... èra en... trenta-nòu. Ò! quaranta, quaranta. E li diguèri: "Mai, sabètz pas onte rèsta Monsur Paulet?" "Ò! -me diguèt- Monsur Paulet? Coquin de sòrt, ieu coneisse tot lo monde aicí, ò! E ben, vè! vèni de laissar lo jornau davau, [2:00] onte rèstan davau, chez eux, que legen lo jornau, ouais!" Me diguèt: "Mai, siás pas dau Muèi, tu!" "A! -li diguère- non, siáu pas dau Muèi!" "Ò -eu ditz- perque ieu, au Muèi, coneissi tot lo monde, mème lo capelan, alòrs! Ben, a... siás pas parisien?" Li diguèri: "Non! siáu pas parisien, ieu! Siáu de Selhans." "Siás de Selhans? A! Mai nautres, aicí a Selhans, e... au Muèi, de Selhans, avèm un matelot, matelot..." [2:30] "A! -li diguèri- Adrien!" "Ouais ouais!" "A! Adrien, ben sai atencion que eu, la botelha..." "Puèi i a sa sòrre, è, Josette... maridada emé... emé Louis lo maçon!" "A! -li diguèri- Bouyer?" "Ouais, ouais ouais ouais." Totara, èran parents, alòrs! E me diguèt: "E ben vai, escota, è! Gaston, Paulet -Gaston, s'apelava-, es pas dificille, vè! [...] as vist lo vilatge, davau? Veiràs un drapèu... [3:00] i a una... i a una façada, aquò's la gendarmariá." A! gendarmariá, òu! Me ditz: "En faça, i a Gaston, i a lo molin."