Situacion: Vos disen qu’un amic, lo Jòrge, se presenta a las eleccions municipalas. Quò vos estona fòrça de sa part e zo tornatz damandar.

Interpretacion de l’enonciat: Interrogativa reïterativa amb dislocacion a l'esquèrra

Informador: G. F.

Descripcion: Aqueste contorn es contituit de dos domenis intonatius. Lo primièr correspond al tèma dislocat a l'esquèrra. Comença a un nivèl bas de la tessitura de la locutritz puèi observam un movement ascendent plan prononciat sus la sillaba tonica JÒR-, seguit d'un accent de frasa naut sus la pòstonica -GE que marca la suspresa. Dins lo segond domeni intonatiu, lo ton se manten pro bas. Fa simplament una leugièra pojada sus la sillaba iniciala pre- del vèrb presenta, seguit per un accent tonal bas sus la sillaba tonica -sen- puèi un accent de frasa bas sus la pòstonica -ta. Dins lo tresen, vesèm que lo planastèl bas contunha, en marcar un accent tonal bas sus la sillaba tonica -cions, fins a l'antepenultima sillaba. Lo ton comença de pojar a la debuta de la sillaba pretonica -pa- e lo pic tonal fòrça naut s'alinha amb la sillaba tonica -las, que recep tanben un ton de frontièra naut, marcant la suspresa. Vesèm doncas que las doas frasa intonativas repetisson lo meteis contorn.

Enonciat: Lo JÒRGE, se presenta a las eleccions municipalas?