Situacion: Vòstre frair vos ditz qu’una amija de la familha, la Maria, vòu venir far a las cartas coma vautres (e vos sabetz qu’a ela li agrada pas tròp, far a las cartas). Vos, quò-qui, quò vos estona, e voletz verificar que vos parla ben de la Maria que cresetz, la qu’a una veitura roja. Damandatz-li si quo es ben la Maria, la de la veitura roja.

Interpretacion de l’enonciat: Interrogativa reïterativa amb dislocacion a l'esquèrra

Informador: G. F.

Descripcion: Aqueste contorn es contituit de dos domenis intonatius. Lo primièr correspond al tèma dislocat a l'esquèrra. Comença a un nivèl bas de la tessitura de la locutritz puèi lo ton puèja progressivament fins a la sillaba tonica -rí, que recep un accent tonal naut e un accent de frasa mejan. Lo segond domeni intonatiu comença per un accent tonal naut associat al pronom la, puèi lo ton davala progressivament fins a l'accent tonal bas alinhat amb la sillaba tonica -tu- abans de començar a pojar fins al pic tonal fòrça naut de la sillaba tonica ro-. La darrièra sillaba recep un ton de frontièra naut que marca la suspresa.

Enonciat: La Marí, la de la "voatura" roja?