Situacion: Quauqu’un vos tira per la chamisa dos còps e quand vos viratz, vesetz que quo es ‘na coneissença qu’arrèsta pas de parlar, que vos enquiquina totjorn e que quand vos trapa vos laissa pus. Damandatz-li çò que vòu.

Interpretacion de l’enonciat: Interrogativa parciala imperativa

Informador: P. F.

Descripcion: Aicí, i a dos domenis intonatius. Lo primièr correspond a l'interjeccion E!, que recep un accent tonal bas seguit d'un accent de frasa mejan. Dins lo segond domeni, lo ton comença a un nivèl mejan naut de la tessitura del locutor sul mot interrogatiu qué, mas lo pic tonal se tròba sus la sillaba seguent vò-. Lo ton davala leugièrament sus la tonica -les, mas demòra pro naut: i a escalonatge aval (downstep). Sus la meteissa sillaba, a continuacion, i a tanben un ton de frontièra bas.

Enonciat: E! qué vòles?!