Situacion: Imaginatz-vos qu'aviatz un armari que i aviá longtemps que la pòrta barrava pus. Dintratz dins la chambra e vesetz que la pòrta es ben barrada. Demandatz a vòstra femna/vòstre òme qui quo es que l’a ‘dobada.

Interpretacion de l’enonciat: Interrogativa parciala nèutra de mai d'una unitat tonala

Informador: G. F.

Descripcion: Trobam primièr un primièr domeni intonatiu constituit per la particula interpellativa mas, que recep un accent tonal bas e un ton de frontièra bas. A la seguida, la frasa comença per un accent tonal naut sul mot interrogatiu qui puèi lo ton puèja mai sus la sillaba seguenta l'a. Puèi lo ton monta encara mai sus la sillaba pretonica 'do- abans de davalar sus la tonica -ba-, ont lo ton es encara plan naut. La pòstonica -da recep un accent de frasa bas. Lo darrièr domeni intonatiu correspond al complement d'objècte dirècte dislocat a la drecha. Comença per un accent tonal bas sus 'que-, la sillaba tonica del demostratiu 'quela, puèi demòra bas abans de far una leugièra pojada sus la sillaba tonica pòr-. La pòstonica -ta recep un ton de frontièra bas.

Enonciat: Mas, qui l'a 'dobada, 'quela pòrta?