Situacion: Faretz un viatge en Italia e voletz portar un sovenir a ‘na persona que ne coneissetz pas beucòp mas que vos interessa qu’aia ‘na bona impression de vos. Ne parlatz emb d’un amic e voletz que vos conselhe: damandatz-li çò qu’eu li portariá.

Interpretacion de l’enonciat: Interrogativa parciala nèutra d’una unitat tonala

Informador: G. F.

Descripcion: Lo contorn comença per un accent tonal naut sul mot interrogatiu qué, puèi lo ton puèja mai sus la sillaba seguenta li. Lo vèrb pòrta l'accent nuclear, qu'es bas, sus sa darrièra sillaba -riàs, la tonica, que recep a mai un ton de frontièra bas. Sus la primièra sillaba del vèrb, observam una davalada del ton del nivèl naut qu'aviá sus la paraula precedenta al bas qu'aurà sus la darrièra sillaba de la paraula que ven de començar. Aquelas davaladas inicialas del ton son frequentas en lemosin sus la primièra sillaba d'una paraula quand i a un un ton naut just abans e que la paraula s'acaba sus un accent tonal bas.

Enonciat: Qué li portariàs?