Situacion: Vòstres nebots credan fòrt en jugant e podetz pas visar la television tranquille/a. Damandatz-lur un pauc esmalit/da si vòlen se taisar.

Interpretacion de l’enonciat: Interrogativa absoluda imperativa

Informador: G. F.

Descripcion: Aqueste contorn compta tres domenis intonatius. Lo primièr correspond a l'advèrbi mas, que recep un accent tonal ascendent seguit d'un ton de frontièra bas. Lo segond domeni intonatiu comença a un nivèl mejan de la tessitura de l'informadora sul pronom vos, puèi puèja sus la sillaba iniciala del vèrb tai-, que recep un accent segondari. A continuacion, lo ton recupera sa valor anteriora sus -sa- abans de realizar un movement ascendent sus la sillaba tonica -retz, que recep en mai un accent de frasa naut. Lo tresen domeni intonatiu correspond a un advèrbi dislocat a la drecha. Lo ton i es plan naut, mas efectua un movement ascendent sus la sillaba tonica -leu, ont se realiza tanben un ton de frontièra naut.

Enonciat: Mas, vos taisaretz, benleu?