Situacion: Fasetz un sopar emb daus amics. Servetz un bocin de vianda a un amic que s’apela Micheu. Vos ditz que ne vòu pas. Damandatz-li susprés/esa si ne’n minja pas, de vianda.

Interpretacion de l’enonciat: Interrogativa absoluda amb element periferic e calhetatge de suspresa

Informador: G. F.

Descripcion: Aqueste contorn se compausa de tres domenis intonatius. Lo primèr es la particula interpellativa e, que recep un accent tonal naut e un accent de frasa bas. Lo segond comença amb un accent tonal naut, mas pas tròp, sus la sillaba tonica min- del vèrb. Puèi lo ton davala progressivament fins a un accent tonal bas alinhat sus la particula negativa pas abans d'efectuar un movement ascendent fòrça prononciat pendent la sillaba tonica vian-, seguit d'un accent de frasa mejan sus la pòstonica -da. Lo darrièr domeni intonatiu es un vocatiu dislocat a la drecha, ont lo ton es bas e l'accent de frontièra final tanben.

Enonciat: E, minges pas de vianda, Micheu?