Situacion: Voletz ‘chaptar ‘na chamisa e sabetz pas si quo es la roja o la verda que vos vai mielhs. Damandatz a la persona que vos acompanha la quala vos vai mielhs, la roja o la verda.

Interpretacion de l’enonciat: Interrogativa parciala nèutra de mai d'una unitat tonala

Informador: P. F.

Descripcion: Dins aqueste contorn i a quatre domenis intonatius. Lo primèr correspond al mot interrogat que es focalizat. Un accent tonal naut s'assòcia a la sillaba tonica QUA- e un accent de frasa mejan a la postonica -LA. Pendent tot lo segon domeni intonatiu, lo ton se manten en un planastèl bas, e s'acaba sus un accent de frasa bas. Es la fin de la frasa que marca la disjoncion: dins lo tresen domeni intonatiu, lo ton monta sus la sillaba tonica ro- que recep tanben un accent de frasa naut, puèi davala dins lo quatren domeni intonatiu fins a un accent tonal bas sus la sillaba tonica ver-, qu'es seguida d'un ton de frontièra bas sus la pòstonica -da.

Enonciat: La QUALA, me vai mielhs, la roja o la verda?