Situacion: Vos convidan a minjar un confit e quo es lo mai bon qu’avetz jamai minjat, e setz esbalauvit/da. Qué disetz?

Interpretacion de l’enonciat: Exclamativa

Informador: G. F.

Descripcion: Aqueste contorn a quatre domenis intonatius. Lo primièr es l'interjeccion Mmm!, que recep una pojada de ton seguida d'un ton de frontièra bas. Lo segond domeni intonatiu comença per un leugièr movement ascendent del ton sul vèrb es, seguida d'una davalada plan leugièra e d'un autre movement ascendent plan acusat sus la sillaba tonica bon, que recep tanben un accent de frasa bas. Lo tresen domeni intonatiu es una dislocacion a la drecha. I a pr'aquò un accent tonal naut, mas pas gaire, sus 'queu. Còp sec aprèp, vesèm una davalada del ton sus con-, la sillaba iniciala de confit, abans d'arribar a la sillaba tonica -fit, ont lo ton es bas e que recep un accent de frasa bas. Aquela davalada del ton pendent la sillaba iniciala d'un mot que recep pus luènh un accent tonal bas es caracteristica del dialècte lemosin. Lo darrièr domeni intonatiu es una repeticion del segond, amb lo meteis contorn, levat que la nautor maximala del ton i es superiora. Lo ton de frontièra es bas.

Enonciat: Mmm! Es bon, 'queu confit, es bon!