Situacion: Setz emb d’una amija e li explicatz que la Maria, ‘na amija comuna, espera un enfant. Ela vos damanda de qui es lo dròlle. Vos setz fòrça estonat/da que zo sapcha pas perque tot lo monde sap qu’es dau Jòrge, son òme. Qué li respondetz, a vòstra amija?

Interpretacion de l’enonciat: Declarativa d'evidéncia

Informador: P. F.

Descripcion: Aqueste contorn a tres domenis intonatius. Lo primièr es l'interjeccion E ben, amb un accent tonal bas e un accent de frasa intermediària tanben bas sus la sillaba tonica ben. Dins lo segond domeni intonatiu, lo ton comença a un nivèl bas de la tessitura de l'informador sus l'article contractat dau, e subís una pojada fòrça acusada sus la sillaba tonica JÒR- coma marca d'enfasi. La sillaba pòstonica -GE recep un accent de frasa mejan. Lo tresen domeni intonatiu es l'interjeccion "pardí" adaptada del francés, que coma es dislocada a la drecha lo ton i es bas e lo ton de frontièra tanben.

Enonciat: E ben, dau JÒRGE, "pardí"!