Situacion: Dintratz dins ‘na pastissariá e sentetz ‘na odor tot plen bona. Dijatz-zo a la pastissiera.

Interpretacion de l’enonciat: Declarativa enfatica

Informador: G. F.

Descripcion: Aqueste contorn a tres domenis intonatius. Lo primièr es l'interjeccion Mmm!, que recep una pojada de ton seguida d'un ton de frontièra bas. Dins lo segond e lo tresen, las sillabas son plan destacadas entre elas, çò que fa semblar que totas las sillabas sián tonicas, amb un movement leugièrament ascendent del ton dins caduna d'elas; es lo biais marcar l'enfasi qu'a causit l'informadora. Pr'aquò, los accents tonals correspondon a las sillabas tonicas sen-, bon e -teus. Lo ton comença a un nivèl mejan de la tessitura de la locutritz e se produsís un movement ascendent sus la sillaba tonica sen-, puèi lo ton tòrna a son nivèl precedent, ont se manten duscas a la fin del domeni intonatiu, que s'acaba sus un accent de frasa mejan. Lo tresen domeni es una dislocacion a la drecha. Lo ton i davala progressivament fins a arribar a son nivèl mai bas sus la sillaba tonica -teus, que recep un ton de frontièra bas.

Enonciat: Mmm! Que senten bon, quilhs gasteus!