Situacion: Dintratz dins ‘na botiga ònte la femna es un pauc sorda. Vos a pas ben auvit, e, quand li avetz damandat un quilo d’oranges, vos damanda si quo es de las mandarinas que voletz. Dijatz-li que non, que çò que voletz, quo es daus oranges.

Interpretacion de l’enonciat: Declarativa non nèutra amb focalizacion contrastiva

Informador: G. F.

Descripcion: Aqueste contorn compta dos domenis intonatius. Lo primièr es constituit per tres repeticions de la negacion non. Comença per un accent tonal fòrça naut puèi davala progressivament, mas l'accent tonal sul darrièr non es encara naut, puèi es seguit d'un accent de frasa bas. Lo segond domeni intonatiu comença a un nivèl tonal mejan bas de la tessitura de l'informadora sul pronom ieu, puèi lo ton fa una pojada pendent la sillaba tonica vò- que culmina dins la sillaba seguenta -le. Tòrna davalar leugièrament abans de marcar un pic tonal sus O-, qu'es la sillaba iniciala del mot focalizat ORANGES e recep un accent segondari. A partir d'aquí lo ton davala prononciadament fins a arribar al ton bas alinhat sus la sillaba finala -GES que pòrta l'accent tonic primari de la paraula, ont retomba tanben un ton de frontièra bas. Remarcarem que l'informadora G. F. accentua ORANGES sus la darrièra sillaba, mentre que P.F. o fa sus l'abansdarrièra.

Enonciat: Non, non, non! Ieu vòle daus ORANGES!