Situacion: Dijatz los jorns de la setmana.

Interpretacion de l’enonciat: Enumeracion nèutra de tipe ascendent

Informador: G. F.

Descripcion: Aqueste contorn compta sèt domenis intonatius, un per cada jorn de la setmana. Dins los sièis primièrs, observam un movement ascendent del ton pendent la sillaba tonica seguit d'un ton de frontièra mejan. Se lo mot es oxitòn, lo ton de frontièra s'alinha sus la meteissa sillaba tonica, mentre que se lo mot es paroxitòn, se realiza sus la darrièra sillaba. Observam qu'aquel ton de frontièra pòt èsser o ben mai naut o ben mai bas que lo ton naut del contorn tonal de la sillaba tonica, en foncion de la nautor d'aqueste darrièr: dins dimecres, lo ton arriba a 300Hz sus la sillaba tonica -me- puèi davala leugièrament sus -cres, mentre que dins divendres, monta sonque fins a 250Hz sus -ven- puèi monta a 300Hz sus -dres. Dins dissabde, remarcarem que l'amudiment de la b a provocat l'alongament de l'a precedenta, que dura doncas doas mòras. Lo ton comença a un nivèl bas sus dis- puèi davala leugièrament sus la primièra mòra de la sillaba tonica -sab- per realizar un movement ascendent sus la segonda mòra e acabar sus un ton de frontièra mejan sus la pòstonica -de. Dins lo darrièr domeni intonatiu, lo ton comença a un nivèl bas de la tessitura de l'informadora sus la conjoncion e. La sillaba longa dieu- recep un movement circomflèx ascendent-descendent: lo ton puèja sus la primèra mòra e davala sus la segonda, per arribar al nivèl bas que sèrva sus la sillaba tonica -menc, que recep tanben un ton de frontièra bas.

Enonciat: Deluns, dimars, dimecres, dijuòus, divendres, dissabde, e dieumenc.