Situacion: Après, vos a damandat per ònte setz passat, mas sabetz pas si avetz comprés quò, “per ònte sès passat?”, o ben si avetz comprés “qué s’es passat?”. Damandatz-li si vos a damandat per ònte setz passat o qué quo es que s’es passat. “Ònte ses passat?” (mal prononciat)

Interpretacion de l’enonciat: Interrogativa parciala reïterativa amb disjoncion

Informador: S. P.

Descripcion: Lo ton comença a un nivèl mejan bas sus las doas primièras sillabas Tu vo-, fa un leugièr movement ascendent sus la tonica -liàs, puèi tòrna davalar al nivèl precedent sus la pretonica sap- per tornar efectuar lo meteis movement ascendent sus la tonica -cher. Lo primièr mot interrogatiu recep un accent tonal naut sus sa sillaba tonica en- ont lo ton es pauc o pro al meteis nivèl que sus la silaba precedenta, puèi davala progressivament fins a arribar a un nivèl bas sus i ai. A contunhacion, lo ton comença de pojar sus la pretonica pas- per efectuar un movement ascendent sus la tonica -sat ont arriba al nivèl mai naut de la frasa. Lo ton es bas sus la conjoncion de coordinacion o, puèi puèja sus la sillaba iniciala del segond mot interrogatiu focalizat QUAU- fins a un nivèl un pauc mens naut que sus -sat, puèi davala progressivament pendent lo mot interrogatiu QUAUQUARREN per arribar a un nivèl plan bas sus s'a, ont se manten fins a la fin de la frasa.

Enonciat: Tu voliàs sapcher ente i ai passat o QUAUQUARREN s'a passat?