Situacion: Vòstra pita filha de 16 ans ditz qu’anuèch surtirá per far la fèsta. Es pita, e fau la susvelhar... Damandatz-li ònte vai, coma l’i vai e quoras tornará.

Interpretacion de l’enonciat: Enumeracion d'interrogativas parcialas

Informador: S. P.

Descripcion: La primièra sillaba del mot interrogatiu recep un accent tonal ascendent e lo ton i arriba a un nivèl mejan naut puèi davala sus la sillaba atòna seguenta per efectuar a contunhacion un movement ascendent sus la darrièra sillaba tonica del domeni intonatiu, vas. Lo ton contunha de pojar sul pronom personal subjècte obligatòri seguent, es a dire sus la sillaba pòstonica. Lo segond domeni intonatiu comença a un nivèl tonal bas sus la conjoncion de coordinacion e, puèi reprodusís lo meteis contorn: accent tonal ascendent sus la sillaba tonica co- del mot interrogatiu, davalada del ton a contunhacion fins a un nivèl bas sus la sillaba pretonica l'i puèi accent tonal ascendent sus vas, seguit d'una pojada del ton sus la pòstonica -tu. Lo tresen e darrièr element de l'enumeracion, comença de la meteissa manièra (ton bas sus e, puèi accent tonal ascendent sul mot interrogatiu quand), mas lo ton contunha de pojar sus la sillaba iniciala del vèrb tor-, se manten mai o mens al meteis nivèl naut sus la sillaba seguenta -na- puèi davala a un nivèl mejan naut sus la tonica -ràs abans fin finala de davalar fins a un nivèl bas sus la pòstonica -tu.

Enonciat: Ente vas-tu, e coma l'i vas-tu, e quand tornaràs-tu?