Situacion: Un amic a besonh de vos per far quauqua ren. Vos, podetz i anar diluns, dimars, dijuòus o divendres. Damandatz-li quoras vòu que i anetz, diluns, dimars, dijuòus o divendres.
Interpretacion de l’enonciat: Interrogativa absoluda nèutra amb enumeracion
Informador: A. D.
Descripcion: Sus l'advèrbi Alòrs, lo ton demòra bas. Lo mot interrogatiu quand recep un accent tonal naut puèi lo ton davala progressivament fins a arribar a un nivèl bas a la fin del domeni intonatiu. Dins los tres primièrs elements de l'enumeracion, lo ton comença a un nivèl bas sus las sillabas pretonicas e efectua un movement ascendent sus las tonicas -luns, -mars e -jòus, puèi sul darrièr element de l'enumeracion, davala progressivament fins a arribar a un nivèl bas a la fin de la frasa.