Situacion: Al cap de dètz segondas, degun es pas sortit. Pensatz qu’es benlèu ennaut. Tornatz-la sonar un pauc pus fòrt.

Interpretacion de l’enonciat: Vocatiu amb calhetatge d'insisténcia, seguit d'un question

Informador: C. J.

Descripcion: Coma dins lo vocatiu sens insisténcia, lo ton comença a pojar tre la primièra sillaba dempuèi un nivèl mejan, mas mai naut (200 Hz al luòc de 150) puèi contunha de pojar dins la sillaba tonica -ri-, mas aqueste còp fins a a pauc prèp 350Hz, siá qualques 50Hz de mai que sens insisténcia. Lo ton davala puèi fins a arribar a un nivèl bas sus la pòstonica -a, coma dins l'autre cas. La question presenta dos pics tonals nauts (a l'entorn de 330 Hz): lo primièr sul vèrb inicial siás, seguit d'una davalada sus la sillaba entremièja en, e lo segond sus la darrièra sillaba naut, ont lo ton demòra naut.

Enonciat: Maria! Siás ennaut?