Situacion: Vos dison qu’un amic, lo Jòrdi, se presenta a las eleccions municipalas. Aquò vos estona fòrça de sa part e o tornatz demandar.

Interpretacion de l’enonciat: Interrogativa reïterativa amb dislocacion a l'esquèrra, seguida d'una exclamativa

Informador: C. J.

Descripcion: Lo ton comença a un nivèl mejan bas puèi observam un clar movement ascendent sus la sillaba tonica JÒR-, e lo ton contunha de pojar sus la pòstonica -DI. Aprèp, lo ton tòrna al nivèl bas de referéncia, fa un pic sus la sillaba iniciala pre- puèi marca un accent tonal un pauc mai naut sus la tonica -sen- del vèrb presenta. A contunhacion, lo ton tòrna a un nivèl bas, marca un leugièr pic sus la sillaba iniciala e- d'eleccions puèi tòrna al nivèl bas. Observam un pic important sus la sillaba iniciala mu- de municipalas puèi tòrna progressivament fins a un nivèl bas atench sus la pretonica -ci-, puèi la sillaba tonica -pa- recep un accent tonal ascendent. Lo ton contunha alara de pojar sus la sillaba pòstonica -las. Sus l'exclamativa, lo ton comença a un nivèl bas e puèja fins a l'avantdarrièra sillaba, puèi efectua un movement descendent sus la darrièra sillaba vist, ont arriba a un nivèl bas.

Enonciat: Lo JÒRDI, se presenta a las eleccions municipalas? Aurem tot vist!