Situacion: Vòstre fraire vos ditz qu’una amiga de la familha, la Maria, vòl venir far a las cartas (e vos sabètz qu’a ela li agrada pas tròp, far a las cartas). Vos, aquò vos estona e volètz verificar que vos parla plan de la Maria que cresètz, aquela qu’a una veitura roja. Demandatz-li s’es plan la Maria, la de la veitura roja.

Interpretacion de l’enonciat: Interrogativa reïterativa amb dislocacion a l'esquèrra

Informador: C. J.

Descripcion: Lo ton comença a un nivèl mejan sus l'article La, i demòra sus la sillaba pretonica Ma- efectua un movement ascendent sus la tonica -ri-, puèi davala fins a un nivèl bas sus la pòstonica -a. Lo segon domeni intonatiu comença a un nivèl mejan naut sul pronom la puèi davala progressivament. Remarcam un leugièr pic tonal sus vei-, la sillaba iniciala de veitura, puèi un autre de similar sus la tonica -tu- puèi lo ton tòrna davalar sus la pòstonica -ra abans d'efectuar un movement ascendent associat a la sillaba tonica ro-. Sus la pòstonica -ja, lo ton contunha de pojar leugièrament.

Enonciat: La Maria, la qu'a una veitura roja?