Situacion: Vòstra pichona filha de 16 ans ditz qu’aquesta nuèch sortirà per far la fèsta. Es pichona e la cal susvelhar... Demandatz-li ont va, cossí i va e quora tornarà.

Interpretacion de l’enonciat: Enumeracion d'interrogativas parcialas

Informador: C. J.

Descripcion: Lo ton comença a un nivèl mejan naut sul mot interrogatiu Ont puèi davala sus vas. Dins lo segond domeni intonatiu, lo ton comença a un nivèl mejan naut e efectua un movement ascendent sus tot lo mot interrogatiu cossí, puèi davala fins a un nivèl bas sus vas. Lo darrièr domeni intonatiu comença a un nivèl tonal mejan sus la conjoncion de coordinacion e puèi vesèm un accent tonal ascendent sus la sillaba tonica quo- del mot interrogatiu, ont arriba a son nivèl mai naut. A contunhacion, lo ton se manten naut en davalant fòrça leugièrament fins a la pretonica -na- per finalament efectuar un movement descendent sus la darrièra sillaba tonica -ràs ont arriba a un nivèl bas.

Enonciat: Ont vas, cossí i vas, e quora tornaràs?