Situacion: Son tres oras e mièja e sabètz plan qu’es ja tard per dinnar. Vesètz que la Joana arriba tota preissada del trabalh e se’n va cap a la cosina. Deu pas encara aver manjat, la paura. Demandatz-li s’a talent.

Interpretacion de l’enonciat: Interrogativa parciala seguida d'una interrogativa absoluda exclamativa amb calhetatge de suspresa

Informador: C. J.

Descripcion: Dins lo primièr domeni intonatiu, lo ton comença per marcar un accent ascendent sus la sillaba tonica On- del mot interrogatiu puèi davala progressivament fins a la sillaba pretonica cor- abans d'efectuar un movement ascendent sus la tonica -ris-, ont comença ja de tornar davalar fins a un nivèl bas, atench pendent la pòstonica -ses. Lo segond domeni intonatiu correspond a l'interrogativa absoluda. Lo ton comença a un nivèl bas sul vèrb as, encara que un pauc mens bas que sus la sillaba precedenta, puèi puèja leugièrament sus la pretonica ta-, puèi efectua un clar movement ascendent alinhat sus la sillaba tonica -lent, ont arriba a un nivèl naut e i se manten.

Enonciat: Onte corrisses, as talent?