Situacion: Digatz los jorns de la setmana.

Interpretacion de l’enonciat: Enumeracion nèutra de tipe ascendent

Informador: C. J.

Descripcion: Dins lo primièr domeni intonatiu, que correspond al primièr element de l'enumeracion, diluns, lo ton es bas sus la sillaba iniciala puèi efectua un movement ascendent sus la sillaba tonica. Retrobam aqueste meteis contorns suls tres primièrs jorns, amb un escalonament descendent (downstep) de la nautor del ton sus la sillaba tonica. Quand i a una sillaba pòstonica, lo ton i davala leugièrament. Suls jorns seguents, observam un pic tonal sus la sillaba iniciala di-, e la sillaba tonica contunha de recebre un accent tonal naut de mai en mai bas (downstep). A partir de divendres, aquò fa que la primièra sillaba es a un nivèl mai naut que la tonica. Mas sul darrièr element de l'enumeracion, lo contorn es diferent: lo ton es bas sus la conjoncion de coordinacion e, puèja sus di- puèi efectua un movement descendent alinhat sus la sillaba tonica ont arriba a un nivèl clarament bas. Sus la pòstonica, lo ton contunha de davalar un pauc mai.

Enonciat: Diluns, dimars, dimècres, dijòus, divendres, dissabtes e dimenge.