Situacion: Vòstra pichona filha de 16 ans ditz qu’aquesta nuèch sortirà per far la fèsta. Es pichona e la cal susvelhar... Demandatz-li ont va, cossí i va e quora tornarà.

Interpretacion de l’enonciat: Enumeracion d'interrogativas parcialas

Informador: J. S.

Descripcion: Lo ton comença a un nivèl bas sul mot interrogatiu Ont puèi puèja sus vas. Dins lo segond domeni intonatiu, lo ton comença a un nivèl mejan-naut e efectua un movement descendent pendent lo mot interrogatiu cossint, puèi realiza un novèl movement ascendent sus vas fins al meteis nivèl que dins lo primièr domeni intonatiu. Lo darrièr domeni intonatiu comença a un nivèl tonal bas sus la conjoncion de coordinacion e puèi observam dos pics tonals, lo primièr alinhat sus la sillaba tonica o-, e lo segond, sus la sillaba pretonica -na-. A contunhacion, lo ton davala fins a un nivèl bas sus la tonica -ràs.

Enonciat: Ont vas, cossint i vas, e a quna ora tornaràs?