Situacion: Un amic a besonh de vos per far quicòm. Vos podètz i anar diluns, dimars, dijòus o divendres. Demandatz-li quora vòl que i anetz, diluns, dimars, dijòus o divendres.

Interpretacion de l’enonciat: Interrogativa absoluda nèutra amb enumeracion

Informador: F. B.

Descripcion: L'exclamacion iniciala è recep un leugièr movement descendent. Dins escota, puèja sus la tonica e tòrna davalar pendent la pòstonica. Lo contorn tòrna començar naut sus qun, ont se manten per realizar un autre accent naut sus jorn. Puèi observam una davalada progressiva fins a un nivèl bas just abans de començar l'enumeracion. Sus las tres primièras partidas de l'enumeracion, lo ton efectua un movement ascendent pendent las sillabas tonicas, de mens en mens naut, puèi davala fins a un nivèl bas sus la darrièra partida.

Enonciat: È, escota, qun jorn vòls qu'i anga, diluns, dimars, dijaus o divendres?