Situacion: Vos convidan a manjar un caçolet e es lo mai bon qu’avètz jamai manjat, e sètz esbalausit. Qué disètz?

Interpretacion de l’enonciat: Exclamativa

Informador: G. N.

Descripcion: Aprèp un movement ascendent sus la sillaba tonica di-, lo ton demòra a un nivèl pro bas. Observam un leugièr pic tonal sus la sillaba iniciala de mongetada, puèi una leugièra davalada sus la pretonica abans un accent tonal ascendent sus la tonica -ta-. Sus la pòstonica -da lo ton davala fins a un nivèl mejan. Sus n'ai, lo nivèl es bas, puèi se vei un movement ascendent alinhat sus pas. A contunhacion lo ton tòrna davalar e fa un autre pic un pauc mens marcat sus la sillaba tonica -ja- de manjada, seguit per una davalada del ton. Vesèm un autre leugièr pic sus la sillaba iniciala de melhora, seguit d'un movement descendent fins a un nivèl bas. Lo darrièr domeni intonatiu, pas jamai, presenta un pic sus pas puèi una davalada del ton fins a un nivèl bas.

Enonciat: Vos dise que, tè! aquela mongetada, n'ai pas jamai manjada de melhora, pas jamai!