Situacion: Digatz los jorns de la setmana.

Interpretacion de l’enonciat: Enumeracion nèutra de tipe ascendent

Informador: L. T.

Descripcion: Cada paraula correspond a un jorn de la setmana. Cal precisar que l'informador s'engana: oblida lo darrièr jorn de la setmana, puèi rectifica e se ritz. Aquò explica que sonque los cinc primièrs jorns receben lo meteis contorn intonatiu: lo ton puèja sus la sillaba tonica puèi se manten a un nivèl mejan sus la pòstonica se n'i a. Lo seisen, lo darrièr de l'enumeracion pròpriament dicha, es introdusit per la conjoncion e, ont lo ton es a un nivèl bas, puèi puèja sus la sillaba pretonica di- per efectuar un movement descendent sus la tonica -sab- e arribar a un nivèl bas que contunha dins la sillaba pòstonica. Lo seten, ajustat a posteriori, presenta un contorn d'evidéncia: lo contorn es lo meteis que lo precedent, mas al luòc d'arribar a un nivèl bas sus la sillaba tonica, lo ton i davala mens. Es sonque sus la pòstonica que lo ton arriba a un nivèl bas. La frasa s'acaba sus un rire.

Enonciat: Diluns, dimars, dimècres, dijuòus, divendres, e dissabtes. E diminge! (rires)