Situacion: Al cap de dètz segondas, degun es pas sortit. Pensatz qu’es benlèu ennaut. Tornatz-la sonar un pauc pus fòrt.

Interpretacion de l’enonciat: Vocatiu amb calhetatge d'insisténcia, seguit d'una interrogativa parciala

Informador: M. P. B.

Descripcion: Coma dins lo vocatiu non insistent, lo ton comença a un nivèl bas sus la primièra sillaba Ma-, puèi efectua un movement ascendent sus la sillaba tonica -ri-, ont arriba tanben fins a qualques 365 Hz, e que dura qualques 170 ms, sonque 30 ms de mai. Per contra, sus la pòstonica -a, lo ton davala mai (240 Hz al luòc de 270 Hz), e la sillaba dura plan mai (270 ms al luòc de 120 ms). Cal remarcar qu'es seguida d'una pausa, a la diferéncia del vocatiu non insistent. Lo contorn sus l'interrogativa parciala que seguís es diferent que dins lo vocatiu non insistent. Aicí revèrta lo contorn del vocatiu: Observam un movement ascendent sul mot interrogatiu, seguit d'una davalada fins a 240 Hz tanben sul vèrb ès, e ont la vocala dura ja 240 ms a ela soleta.

Enonciat: Maria, a on ès?