Situacion: Vòstre fraire vos ditz qu’una amiga de la familha, la Maria, vòl venir far a las cartas (e vos sabètz qu’a ela li agrada pas tròp, far a las cartas). Vos, aquò vos estona e volètz verificar que vos parla plan de la Maria que cresètz, aquela qu’a una veitura roja. Demandatz-li s’es plan la Maria, la de la veitura roja.

Interpretacion de l’enonciat: Interrogativa reïterativa amb dislocacion a l'esquèrra

Informador: M. P. B.

Descripcion: Lo ton comença a un nivèl mejan-bas sus la sillaba pretonica Ma- e efectua un movement ascendent sus la sillaba tonica -ri-, puèi davala a un nivèl bas sus la pòstonica -a. Dins lo segond domeni, lo ton comença a un nivèl mejan bas sus era deth, puèi observam un movement ascendent sus la tonica co-, ont arriba a un nivèl un mens naut qu'al pic precedent sus -ri-, i se manten sus la pòstonica -che, davala leugièrament sus la pretonica ver- per efectuar un autre movement ascendent sus la sillaba tonica -melh, ont tòrna davalar aprèp fins a un nivèl bas.

Enonciat: Maria, era deth coche vermelh?