Situacion: Dintratz dins una botiga ont la femna es un pauc sorda. Vos a pas plan ausit, e, quand li avètz demandat un quilo d’iranges, vos demanda se es de mandarinas que volètz. Digatz-li que non, que çò que volètz, es d’iranges.

Interpretacion de l’enonciat: Declarativa non nèutra amb focalizacion contrastiva

Informador: M. C.

Descripcion: Lo ton comença a un nivèl bas sus N'ei e efectua un movement ascendent sus la sillaba tonica pas. Puèi davala progressivament fins a la sillaba pretonica -da- per tornar pojar sus la sillaba tonica -ri-, ont arriba al nivèl mai naut de tota la frasa. Lo ton tòrna davalar sus la sillaba pòstonica -nas, puèi observam un planastèl bas sus l'element parentetic que voi. Lo domeni intonatiu seguent comença a un nivèl un pauc mens bas sus qu'ei, puèi lo ton puèja sus la sillaba iniciala I-, e puèja un pauc mai sus la tonica -RAN-, per fin finala tornar davalar a un nivèl bas sus la sillaba pòstonica -GES.

Enonciat: N'ei pas mandarinas, que voi, qu'ei IRANGES!