Situacion: Vòstra pichona filha de 16 ans ditz qu’aquesta nuèch sortirà per far la fèsta. Es pichona e la cal susvelhar... Demandatz-li ont va, cossí i va e quora tornarà.

Interpretacion de l’enonciat: Enumeracion d'interrogativas parcialas

Informador: G. B.

Descripcion: Lo primièr mot interrogatiu recep un accent tonal naut, lo ton davala sul vèrb, puèi davala mai en posicion pòstonica. Lo segond mot interrogatiu recep tanben un accent tonal naut sus sa sillaba tonica co-, puèi lo ton davala fins a la sillaba pretonica li abans d'efectuar un movement ascendent sus la tonica. Lo ton tòrna a un nivèl mejan en posicion pòstonica. Lo ton es bas sus la conjoncion de coordinacion e, e observam un autre pic tonal sus la sillaba tonica co- del mot interrogatiu puèi lo ton davala progressviament. Mas l'informador s'entraupa e tòrna començar un novèl domeni intonatiu amb un movement tonal ascendent que culmina sus la sillaba tonica o- abans d'efectuar una davalada progressiva del ton fins a arribar a un nivèl bas la fin de la frasa.

Enonciat: Ont vas, coma li vas, e coma torn... a quala ora tornaràs?