Situacion: Dintratz dins una botiga ont la femna es un pauc sorda. Vos a pas plan ausit, e, quand li avètz demandat un quilo d’iranges, vos demanda se es de mandarinas que volètz. Digatz-li que non, que çò que volètz, es d’iranges.

Interpretacion de l’enonciat: Declarativa non nèutra amb focalizacion contrastiva

Informador: G. B.

Descripcion: Lo ton comença en efectuar un movement ascendent sus la primièra sillaba, qu'es tonica. Davala a la tota fin d'aquela sillaba per tornar pojar immediatament sus la sillaba iniciala d'O-, ont arriba al nivèl mai naut de tota la frasa. Lo ton tòrna davalar a la debuta de la sillaba seguenta, la tonica -ran-, ont observam un leugièr movement ascendent. La pòstonica es gaireben amudida, mas lo ton sembla i davalar leugièrament. Lo domeni intonatiu seguent comença a un nivèl bas sus Vòle, puèi lo ton puèja sus pas. Tòrna davalar sus la sillaba seguenta qui-, tòrna pojar sus -còm, per fin finala efectuar un movement descendent sus la darrièra sillaba tonica mai, ont arriba a un nivèl bas, puèi sembla pojar leugièrament a la fin de l'enonciat.

Enonciat: Vòle d'ORANGES, vòle pas quicòm mai!