Su corpus de s'Atles interactiu de l'entonació del catalàest cumpostu dae 3 Map Task de unos 10 minutos cadaunu. Sas registratziones sunt istadas fatas in su mese de Nadale de su 2007. Sos informadores sunt bator fèminas, duas de unos 50 annos e duas de unos 60 annos e duos mascros de unos 30 annos de edade.

Su mètodu sighidu pro collire sos datos est cussu de su map task. Su map task est una tècnica nàschida pro ispuntzonare s'arrejonu intre sas duas pessonas chi partètzipant, a manera de los fàghere faeddare e duncas produire fenomenos linguìsticos. Custa tècnica permitit de averiguare unos cantos efetos de su cuntestu (segmentos sonoros, istrutura informativa, istrutura prosòdica de sas peràulas). A cadaunu chi partètzipat benit dada una cartina, in ue b'est pintadu unu logu de fantasia, cun palatos e àteras calidades de edifìtzios (comente, pro esempru, càntaros o monumentos). A unu de sos duos benit dada una cartina in ue est signada s'istrada de sighire duncas una lìnea chi cullegat su puntu de partèntzia a su puntu de arrivu. Sa pessona chi at custa cartina devet dare sos indicos giustos a s'àtera e pro custu benit cramada instruction-giver. S'àteru interlocudore, chi at una cartina diversa sena indicos e chi est diferente dae s'àtera pro unos cantos elementos pintados (comente, su colore o su nùmene de unos cantos elementos), devet fàghere preguntas a s'àteru, pro resessire a sa fine a àere sa matessi cartina de su instruction-giver.

Sos datos sunt istados collidos dae Francesco Ballone (Universidade de Tàtari) e Maria del Mar Vanrell (istudiante de s' Universitat Pompeu Fabra).

Custu corpus benit tzitadu comente:

Prieto, Pilar; Cabré, Teresa [coord.] (2010). Atles interactiu de l'entonació del català. [http://prosodia.upf.edu/atlesentonacio/]