Su corpus de AMPER-Cat est cumpostu dae 2 map task longas unos 12 minutos, collidos in su mese de Abrile 2007 e in su mese de Austu 2008. Su corpus, in prus, cuntenet unu contu lìtzitu (ispontaneu), de tres minutos e unas cantas fràsias impreadas dae totu. Sos informadores sunt una fèmina de 25 annos e un'òmine de 45 annos.

Su mètodu impreadu pro collire sos datos est cussu de sa map task, unu giogu intre sas pessonas chi benint intervistadas e su chi intervistat. A sas pessonas chi partètzipant a su giogu benit dada una cartina, petzi in una cartina est marcadu su percursu de sighire e in prus sos elementos pintados in sas cartinas non sunt che pare. In su giogu sas pessonas chi ant sas cartinas si devent fàghere unas cantas preguntas intre issas pro arrivare a sa fine a àere duas cartinas pretzisas, duncas cun su matessi percursu e sos matessi elementos pintados.

Sos datos sunt istados collidos pro mèdiu de unu registradore digitale, dae Esteve Valls e Maria Cabrera (istudiantes de s' Universitat de Barcelona), Lourdes Aguilar (professoressa de s' Universitat Autònoma de Barcelona) e Francesco Ballone (de s'Universidade de Tàtari), in s'àmbitu de su progetu AMPER-Cat. Custu progetu de chirca internatzionale, previdit finas un'àtera calidade de corpus, cramadu fissu, cumpostu dae fràsias a posta chi faghent a modu de pòdere cumparare sas diversas variedades linguìsticas.

Martínez Celdrán, Eugenio; Fernández Planas, Ana Maria [coord.] (2003-2010). AMPER-CAT. Atles Multimèdia de la Prosòdia de l’Espai Romànic. [http://www.ub.edu/labfon/amper/index_ampercat_cat.html]