Corpus

Su corpus cuntenet archìvios in formadu àudio e unos cantos in formadu vìdeo. Sos materiales benint partzidos cunsiderende su grupu de chirca chi los at collidos (AMPER-Cat, Arxiu de Tradicions de l’Alguer, Atles interactiu de l’entonació del català, Francesc Ballone, Andreu Bosch, Jaume Corbera).

A pustis chi s'intrat in sa pàgina de cadaunu corpus, s'at a pòdere abbaidare o ascurtare sos materiales e s'ant a pòdere bìdere finas sas copiaduras ortogràficas de suporto. Sa copiadura ortogràfica est istada fata sighende sos critèrios linguìsticos (lèssicu, fonètica, morfologia e sintassi) e finas cussos non linguìsticos, impreados pro sa copiadura de arrejonos ispontaneos o cuasi in s'àmbitu de su Atles interactiu de l’entonació del català. Pro traballare cun cuntivizu custos critèrios sunt istadas consultadas sas òperas de riferimentu pro cadaunu de sos sub-istandard de su catalanu, comente sa proposta de iscala (2003), pro su s'aligheresu, ma finas sa versione eletrònica de sa Gramàtica normativa de la llengua catalana de s'Institut d’Estudis Catalans, chi cunsiderat sas variatziones dialetales chi bi sunt in s'àrea de limba catalana e sos diversos grados de formalidade de sa limba iscrita e orale.

Pro cantu pertocat sas òperas lessicogràficas, sunt istados istudiados non solu sos ditzionàrios normativos, ma finas òperas descritivas comente sos Diccionari català-valencià-balear di Alcover e Moll (1993) o su Diccionari català de l'Alguer de Josep Sanna (1988).