Situacion: Un amic a besonh de vos per far quicòm. Vos podètz i anar diluns, dimars, dijòus o divendres. Demandatz-li quora vòl que i anetz, diluns, dimars, dijòus o divendres.

Interpretacion de l’enonciat: Interrogativa absoluda nèutra amb enumeracion

Informador: C. J.

Descripcion: Dins lo primièr domeni intonatiu, lo ton comença a un nivèl naut sus la sillaba tonica quo- del mot interrogatiu quora, puèi observam dos autres pics de mai en mai nauts sus las sillaba tonicas vòls e ven-, separats per de davaladas del ton sus las sillabas atònas. Sus la darrièra sillaba del domeni, la pòstonica -gui, lo ton puèja leugièrament. Aprèp trobam una parentèsi (te bailar aquel còp de man), ont lo ton es bas e puèja finalament sus la darrièra sillaba tonica man. A contunhacion comença l'enumeracion. Sus las tres primièras partidas de l'enumeracion, lo ton efectua un movement ascendent pendent las sillabas tonicas. Remarcarem que la nautor del pic es importanta sul primièr element (diluns), mens sul segond (dimars), puèi tòrna al nivèl del primièr sul tresen (dijòus). Sus la darrièra partida de l'enumeracion (o lo divendres), lo ton comença a un nivèl mejan naut puèi davala pendent la sillaba tonica -ven-, ont arriba a un nivèl bas, e davala encara mai sus la pòstonica -dres.

Enonciat: Quora vòls que vengui, te bailar aquel còp de man, lo diluns, lo dimars, lo dijòus o lo divendres?