Situacion: Vòstre fraire vos ditz qu’una amiga de la familha, la Maria, vòl venir far a las cartas (e vos sabètz qu’a ela li agrada pas tròp, far a las cartas). Vos, aquò vos estona e volètz verificar que vos parla plan de la Maria que cresètz, aquela qu’a una veitura roja. Demandatz-li s’es plan la Maria, la de la veitura roja.

Interpretacion de l’enonciat: Interrogativa reïterativa amb dislocacion a l'esquèrra

Informador: G. N.

Descripcion: Lo ton comença a un nivèl mejan sus l'article La, puèi davala un pauc sus la sillaba pretonica Ma- per efectuar un leugièr movement ascendent sus la tonica -rià, ont tòrna davalar apuèi fins a un nivèl mejan. Lo segon domeni intonatiu comença a un nivèl mejan naut sul pronom la puèi davala progressivament fins que lo ton efectua un movement ascendent associat a la sillaba tonica ro-. Sus la pòstonica -ja, lo ton contunha de pojar leugièrament. Sul mot dislocat a drecha, lo ton comença plan naut e puèja mai sus la sillaba tonica -val.

Enonciat: La Marià, la qu'a l'autò roja, aval?