Situacion: Qualqu’un vos tira per la camisa dos o tres còps e quand vos viratz, vesètz qu’es una coneissença fòrça charraire e plan pesuc que vos enquiquina totjorn e quand vos trapa vos daissa pas pus. Demandatz-li çò que vòl.

Interpretacion de l’enonciat: Interrogativa parciala imperativa

Informador: L. T.

Descripcion: Lo ton comença a un nivèl bas mas ja comença de pojar sus E e lo movement ascendent culmina sus la sillaba de, puèi lo ton davala leugièrament sus qué en tot i demorar naut. Sus la sillaba tonica vòls, lo ton es encara naut, mas un pauc mens. De fach, i efectua un movement ciconflèx: puèja leugièrament a la debuta de la sillaba, puèi davala. Lo ton es mai bas sus l'element dislocat a la drecha, mas sus la sillaba tonica a- se manten un pauc mai naut que sus la pòstonica -ra, ont davala fins a un nivèl plan bas.

Enonciat: E de qué vòls, ara?