Situacion: Dintratz dins una botiga ont la femna es un pauc sorda. Vos a pas plan ausit, e, quand li avètz demandat un quilo d’iranges, vos demanda se es de mandarinas que volètz. Digatz-li que non, que çò que volètz, es d’iranges.

Interpretacion de l’enonciat: Declarativa non nèutra amb focalizacion contrastiva

Informador: G. N.

Descripcion: Sus la negacion non, lo ton efectua un movement ascendent plan marcat puèi tòrna davalar. Observam un segond movement ascendent del ton, mens prononciat, alinhat sul pronom ieu, puèi lo ton davala progressivament fins a la primièra sillaba de la paraula quilò ont comença un movement ascendent que s'acaba a un nivèl pro naut dins la sillaba tonica -lò. Sus la primièra sillaba del mot focalizat IRANGES, lo ton comença a un nivèl mai bas, mas encara relativament naut, puèi vesèm un movement descendent sus la sillaba tonica, ont lo ton arriba pas tanpauc gaire bas. Davala clarament sus la sillaba finala -GES.

Enonciat: Non! Ieu vòli un quilò d'IRANGES!